شوية صور ………..
شوية صور ………..
كلمات……….
أيمن البكري
ساعات كتير بحن للماضى إل فات
وأصعب إحساس إنك تشتاق لحد مات
طريق طويل مشيتوا
وإل فاضلى منوا وإل ف الاءخر لقيتوا
شوية صور على حبة ذكريات
صوره لبنت حلوه جميله ذى القمر
دى كانت حبيبتى وفرقنا القدر
حكم علينا ناس قلوبهم حجر
وبقت لواحد تانى وأنا واقف وساكت
وبعد سنه جالى خبر إنها ماتت
أنا أسف لحبيبتى مقدرتش أدافع عنها
كنت عايش حياتى كلها علشانها
ودلوقتي كل إل فاضلى منها
شوية صور
صوره تانيه ليا ودموعى ماليه عنيا
حزين وبتكسر
حاجات كتير اتغيرت فيا
بقيت حد تانى كداب وأنانى
غيرنى فعل البشر
ودلوقتي ال فاضلى
حزن مصاحبنى ذى ضلى
وشوية صور
صوره أنا وابويا
أول يوم ف المدرسه
وأنا لسه صغير
وصوره مع امى
من أيام الصبا
قبل ما شكلى يتغير
وصوره لناس كتيره
كانت جزء منى
فيهم ال مات وال مشى
وإل سابنى واتخلى عنى
وحكايه تجيب حكايه
وأنا صابر وبقول قدر
وإل فاضل من حياتى
وكل ذكرياتى شوية صور
شوية صور شوية صور
مش كان فيه بينا وعد
وحلفنا نكون لبعض
دلوقتى أنا فين وإنتى فين
تعبت من الاءنتظار
حزن وخوف وإنكسار
سنين بتجيب سنين
زمان من عمرى سارق
والكل راح وفارق
مش فاضل غيرى
أنا وقلبى الحزين
الحلم إتهد عادى
وطريقك كلوا فاضى
مهما تصرخ وتنادى
هيسمعك بس مين
