الإعتزال……….

” الإعتزال ”

لا بتحضن

ولاااا بتشال

ولا بتباس

ولا بغنى ولا بدندن

وأقول موال

ولا ب امثل

ولا ب اعسل

ولا عندى

غسيل أموال

أنا جايلكم اتجوز

واروح علطول

لبيت جوزى

وهضحك

عمرى ماهاابوز

واخلف أورطه

من أسدى

واجيب أشبال

وكل شويه أهددكم

أنا ناويه ع الإعتزال

ياست الحاجه فارقينا

لا عايزينك

ولا عايزين تشاركينا

ولا عايزين كمان فنك

ولا نسمع كلام عنك

ولا نعرف كمان دينك

ولا سِنك ولا سنينك

ولا تدينا ف إيدينا

ولا نملس على العتبه

ولانشيلك على الخشبه

ياريت لو منك إنسينا

ولا تقفلنا ع الواحده

ولا تُقفلنا ع الناصيه

ولا تُقفى فى تراسينا

ولما تشوفى خِلقتنا

ياريت تجرى تعدينا

عشان بنخاف من العدوى

بداء الأرفه .. تعدينا

نداء لكل المخرجين والمنتجين

وكمان نقابة الممثلين

وأى نقابه حوالينا

بلاش تجيبوا الأرفانين

عشان قرفونا ب أرفهم

واحنا شايلين المراره

ومش ناقصين

خلاص قفلت مراوحنا

وضجت كل مطارحنا

وبنت الإييه بتهدينا

الشاعر_خالد_فضل