كلام وله معنى —- كلمات الشاعر احمد جابر سويلم
—- كلام وله معنى —- كلمات الشاعر احمد جابر سويلم
يابنت سيبك م الاحزان
ليه الفؤاد عايش حيران
رب العباد وفاتح بابه
بينادى اصحى ياغفلان
صفى ضميرك والنيه
وبالايمان خليه عمران
الدنيا طريقها مابيدومشى
لوقلتى فيها انا راح امشى
عمر الجمال مانصف صاحبه
سيبى المرايه بلاش اعجاب
وبلاش كمان لبس محزء
لوحابه ترضى رب الكون
لبس الحجاب هو اللى يكون
والعفه فرض كمان هتصون
ادبك فى ماشيك مهما يكون
خطاب كتير راح هيجولك
سيرتك هتعلى كمان فى الناس
حب الاله هتنولى رضاه
والنور فى قلبك يامحلاه
والكل عنك يتحاكى
ادب وحشمه مشاء الله
امك وابوك هيدعولك
رفعتى رؤسنا بحب الله
اما اللى تاهت فى الدنيا
من نومها تصحى وعنيها
على المرايه تشوف حالها
بالروج تغير خلقتها
اصل جمالها مهش فتان
اذاى محدش يعاكسها
عاللبس راحت وتدور
تقلع وتلبس وتغير
والفكر خادها ووداها
ع الموضه اللى مانزلتشى
تبعت تجبها من بره
وفى ليله ماشيه بتتعايق
مسطول وماشى مزاجه رايق
شاف الجميل قال بنمسى
ضحكتله ضحكة وغمزتله
قال ياقمر جايه معايه
خطوه ونبقى فى عربيتى
ضفتى ياحلوه بقى فى بيتى
ركبوا سوا فى العربيه
مسطول وبيسوق مش دارى
لورى معدى ودهسهم
تحت العجل راحو ضحيه
ودا نتيجة التربيه
الام عايشه فى دوامه
والاب مشغول بغزيه
فلوس كتير ولاهوش دارى
بعد اللى قولته وحكيته
الاب مسؤل عن بيته
والام اكتر بشويه
وكلام وقولته وله معنى
يوم الحساب هيجمعنا
يوم الحساب هيجمعنا
