زارع اااالأمل

• زارع اااالأمل
بقلم / عمااد الأبنودي
“” “” “” “” “” “”
يااااااا زارع الأمل …
كتر من الآمال فدادين
جااااايز كده و محتمل ..
تفرح اااالقلب الحزين
ليل العتمة مش هيطول
و لو كحل سواده العين
بكرا القمر يطلع ضيه
و يشق السواد نصين
درب الطموح سكته واعره
ما تقبلش القسمه ع اتنين
مين قالك النجاح صدفة
بيقابل ف طريقه كسلانين
ياما عافروا معاه عباقره
و نحتوا الصخر المتين
و حفروا فى لوحة الشرف
أسمايهم بين الفايزين
إعلم إن ‏الفوز ده كفااااح
و كسرة و نصرة فالسنين
و من غواه اليأس مرة
راح يموت من المحبطين
خلي سلاحك عزيمه و قوة
و شق الصعاب لو فين
دي الأمثلة صورها كتيرة
لناااااس كانوا مبدعين
يجوز تمشي دورب الأشواك
و تعاااااااااافر ويا الأنين
و تتحسر ع أيام صعبة
بين جدرانها كنت سجين
كاتب قصص أوجاع مرة
تبكي عليها جفون العين
هدفك بالتركيز هتنوله
و تكتب تتر الفرحانين
و تسبق بالخطاوي مراحل
و تكون أول المجتهدين
و دموع التعب راح تتنهي
كأنها سحابة فاتت يومين
يااااااا زارع الأمل …..
كتر من الآمال فدادين
و إبدر تقاوي السعد هنا
تخضر الأحواض بسااااتين
بقلم
عماااد الأبنودي
16 . 6 . 2022