العلاج بالموسيقى.
التأهيل بالموسيقى للطفل المصاب بمتلازمة الداون متلازمة الحب
متلازمة داون واحدة من أهم المتلازمات المشهورة والشائعة ، المتلازمة دى بيتم التعرف عليها أثناء فترة الحمل ، و ده عن طريق بعض القياسات التي بيتم التعرف عليها ببساطة ، ده كمان بجانب أن المتلازمة دى بتنتج عن خلل يتعلق . بالكروموسومات .
متلازمة داون اضطراب وراثي بينتج عنه عادة حالة من البطء في التعلم ، و كمان السلوك المتهور للطفل . التدخل الموسيقى بييجى دورها المهم عن طريق الأنشطة الموسيقية بتكون مفيدة جدا جدا للأطفال اللى بيعانون من متلازمة داون ، لو بصينا للموسيقى هنلاقى انها متعة لمعظم الناس ، فما بالك بقى هتساعد الطفل الداون إزاى ؟ لأنها هتكون بالنسبه له زى اللعبة ، كمان التكرار للموسيقى و الايقاعات هيساعد الطفل متلازمة داون ، على إنة يفتكر الأشياء بسهولة لأن الموسيقى بتحفز الدماغ كله ، اللى بيخليها وسيلة تعلم ممتازة للأطفال المصابين بمتلازمة داون .
نيجى نتكلم على أحد اساليب العلاج
أغاني المرآة او المراية
اطفال الداون دايما بيتمسكوا بلغتهم لما بيتكلمو ، وده بسبب عدم وجود رقابة للعضلات ، عضلات الوجة والجهاز الصوتى و هنا لازم الجلوس مع الطالب قدام مرآية . علشان يشوف نفسة وهو بيتكلم طبعا مع اللعب الموجهة ، وعلى فكرة الإسلوب ده بيدى متعة كبيييرة جدا للطفل أثناء الجلسة الغناء مع الطفل قدام المراية، بتخلى الطفل بيتمكن من إنه يشوف نفسة ويسمع لغته الخاصة .
نيجى للذاكرة
فيه حاجات وأشياء بيتعلمها طفل الداون فى سن ما قبل المدرسة زى إيه ؟ زى الأبجدية ، و كمان ممكن الطفل يتعرف على الأرقام و ممكن يقول عنوانه ، والدراسات أثبتت أن واحدة من أسهل الطرق للأطفال الصغار ، و الأطفال المصابين بمتلازمة داون من جميع الإعمار ، إنه ممكن يتم تذكيرهم بتجميع كل المعلومات وترتيبها ويتم عرضها كأغنية ، و ممكن عمل اغاني للحروف الأبجدية أو العدد ، وممكن تستعين بلحن بسيط وجذاب ، و ممكن تعمل الإسلوب ده لأي سن على مستوى التنمية للطفل ، و ممكن عمل اغنية بسيطة عن اى معلومات أو توجيهات بسيطة اللى الطفل محتاج إنة يتذكرها
اسلوب تانى مهم جدا وهو
حركة الموسيقى
عبارة عن دمج الموسيقى مع حركة بسيطة إحنا بنسميها الحركة الموجهه فى مساحة مكانية بتساعد الطفل على تشجيع المهارات الحركية ، وكمان التنسيق في حركة العين و المهارات العقلية ، لما نيجى للأطفال المصابين بمتلازمة داون هنلاقيهم معرضون لمخاطر كبيرة من السمنة ، علشان كده الموسيقى مع الحركة ، مع الرقص على أغنية ، بتشتغل على زيادة المهارات الحركية و المعرفية
د/ ناصر زاهر
