وحشانى قوى
كلمات أيمن البكري
وحشانى قوى يا إمى
يا أغلى الحبايب
من بعدك الحزن صاحبنى
والفرح فارق وغايب
أنا كنت زمان لما
الدنيا بتكسرنى
بجرى عليكى ياما
وأنادى وأقول يا إمى
وأترمى فى حضنك
وتضمينى ضمه
أنسى كل همى
دلوقتى ياما
الناس بقت صعبه بجد
ولو فيه واحد بيبنى
فيه ألف واحد بيهد
ومن غيرك الدنيا ضلمه
كنتى بتهونيها بكلمه
دلوقتى أنا فيها لوحدى
وماليش بعدك حد
زمان كنتى بتدعيلى
ودلوقتى أنا إل بدعيلك
وبكره يا إمى
هسيب الدنيا وأجيلك
أنا مش قادر أعيش
فيها من غيرك
وحشانى قوى يا إمى
يا أغلى الحبايب
من بعدك الحزن صاحبنى
والفرح فارق وغايب
