أنا جاية أغني
قصيدة غنائية
بقلم ماجدة البهيدي
=============
لا انا جاية اشكي وأقول مواويل
ولا جاية ابكي و دمعي يسيل
انا جاية أغني وأقول يا ليل
يا عين يا ليل يا عين يا ليل
ما خلاص رمينا الهم و رانا
وسيبنا إللي باعنا وراح ولا جانا
ولا عنت تاني هقول اه يانا
روح يا حبيبي خلاص وانسانا
ولا هبكي تاني الدمع عليك
دانا ياما كنت بعمري افديك
انا كنت نعمة وبين ايديك
و مصنتهاش راحت عليك
ما خلاص نسينا كل اللي فات
والماضي كله بقى ذكريات
من انهاردة الحزن مات
ولا عدش تاني دموع واهات
لا أنا جاية أشكي وأقول مواويل
ولا جاية ايكي ودمعي يسيل
انا جاية اغني واقول يا ليل
يا عين يا ليل يا عين يا ليل
عدا اللي عدا بمره واهاته
و خلاص خرجنا من حسباته
اهدا يا قلبي أنا هحسبه
خد اللي ليك و الباقي هاته
الليلة دي عنده و بمشاربها
كاس المرار هو اللي شاربها
وايحنا هنفرح وراح نخربها
وخالي الدنيا عليه يلعبها
أنا جاية أغني وأقول أه يا ليل
ونقعد سوا على شط النيل
ونقول كلام حلو و جميل
يهدي القلوب ويشفي العليل
لا أنا جاية أشكي و أقول مواويل
ولا جاية ايكي ودمعي يسيل
انا جاية اغني واقول يا ليل
يا عين يا ليل يا عين يا ليل
الجمعة12/8/2022
:
#ماجدة_البهيدى
:
