قصة حب
كلمات/ أيمن البكري
شيلتك ف عنيا
وإتحديت علشانك
كل الناس حواليا
ولو عاتبتك
عتابى ليكى هيكون
إذاى قلبك قدر يخون
إذاى عليكى أهون
داه إنتى
عمرك ما هنتى عليا
فاكره لما كنت بكلمك
فى التليفون
وب أعلى صوت أقول بحبك
وتقوليلى كفايه يا مجنون
كنت مجنون بيكى
كنت بجد شاريكى
كنت بحبك حب
يكفى كل الكون
كان بينا حكايات
وحاجات وحب كبير
كنا بنسهر ب الساعات
نتكلم طول اليل
كنتى بتقوليلى مش هسيبك
أنا قدرك ونصيبك
وإسأل قلبى مين حبيبك
هيشاور عليك
عارفه إيه ميزتك وعيبك
وبعرف إذاى بنظره أجيبك
ولو فيه مكروه يصيبك
بحس بيك
بلاقيك بتضحك فى وشى
ومن جواك بتتألم
أصلك نسيت معلهشى
إنك من غير ما تتكلم
بفهمك من عنيك
كل الكلام الحلو داه
دلوقت فين
لما قررتى تنهى قصة حب
عاشت سنين
إختارتى إنك تسبينى
خدتى القرار لوحدك
دوستى على قلبى وعينى
ونسيتى وعدك
ومش هقولك أنا إل بنيتك
وأحلف إنى ههدك
ولا إنى خلاص نسيتك
ومش هتألم بعدك
لا داه أنا بعترف
إنى هفضل أحبك
ولو الدنيا جات عليكى
وإتخلى عنك
كل الناس إل حواليكى
هتلاقينى معاكى وجنبك
