رسائل نارية من الرئيس السيسى فى جلسة محاكاة مجلس حقوق الإنسان
اللواء.أ.ح.سامى محمد شلتوت.
• الرئيس السيسي وجه بالأمس واحدة من أقوى كلماته ورسائلة النارية للغرب في جلسة محاكاة مجلس حقوق الإنسان بمنتدى الشباب العالمي، «بالبلدي كده غسلهم ونشرهم » وفتح دفاترهم وكشف كدبهم وإدعائتهم ومثاليتهم المزعومة،بل وعراهم أمام أنفسهم وأمام العالم كله.. وبخاصة أمام شبابهم الحاضرين المؤتمر.
• قال الرئيس «بلهجة تهكمية.. »:
٭٭٭ إنتوا بتصرخوا من عشرتلاف واللا عشرين ألف لاجئ…ورفضتوا تستقبلوهم وشحنتوهم لبلادهم وسيبتوهم يواجهوا مصيرهم المجهول. بينما إحنا دولة على قدها في الإمكانيات ..ومع ذلك إستقبلنا أكتر من سته مليون بني آدم من كل أرجاء العالم .وده رقم كبير جداً ، ولم نمنع أي إنسان طلب القدوم إلينا، وما حطيناهمش في معسكرات بل وحتى بنرفض أننا نسميهم لأجئين.. وخليناهم عاشوا معانا. والناس دول موجودين في مجتمعنا بيشتغلوا وبياكلوا ويشربوا ويتعلموا ويتعالجوا، وإندمجوا وسط شعبنا ..وحصلوا على كافة حقوق المصريين…من علاج وتعليم ورعاية صحية وسكن. وما اتكلمناش ولا إشتكينا ..ولا رفضنا دخولهم بلدنا ولا سيبناهم يواجهوا المخاطر ولا دفعناهم للموت والغرق في البحرالمتوسط.. عشان يجولكم أوروبا.. وعملنا ده بتواضع ..من غير ما نتكلم…
٭٭٭ يا ترى هما ملايين اللاجئين اللي مرميين على حدود الدول وداخلها في مخيمات بقالهم عشر سنين دول مالهمشي حق في الحياة؟!!!!! مالهمشي حقوق انسان؟!!؟! ويا ترى أخدتوا بالكوا من نتائج اللي حصل ده ونتيجة الإقامة في معسكرات لأجئين لمدة عشر سنين؟ الناس دول موجودين في مخيمات لأجئين علي الحدود بقالهم عشر سنين ، يعني الطفل اللي كان عنده سبع سنوات.النهاردة بقى عنده سبعة عشر سنة.. والبنت اللي كانت ثمانى سنوات بقت ثمانى عشر سنة.. يعني بقوا شباب دلوقتي ..يا ترى دول مصيرهم إيه وحقوقهم فين؟؟….
٭٭٭أنتوا في الغرب دول مستقرة وعددكم ما زادشي من أكتر من خمسين سنة .. وليكم نظامكم السياسي اللي مقتنعين بيه و أرتضتوه لنفسكم ، بس المشكلة إنكوا عايزين تفرضوه علينا وعلى العالم..دون دراية بظروف كل بلد وحال كل مجتمع مختلف عنكم، مع أن التنوع والإختلاف دا سنة كونية وما ينفعش نخلي العالم كله يتكلم لغة واحدة أو يفكر بطريقة واحدة ، وأنا مش بقول كده للترويج لحاجة أو الدفاع عن حاجة..ده واقع الدنيا كلها عايشاه وموجودة فيه، وحقوق الإنسان لا تقتصر على جانب واحد فقط فى مناحي الحياة!!!!!!!!!!!…
٭٭٭ اللي بتعملوه ده إسمه (الإستعلااااء)، والإستعلاء ده مش بس بالقوة والقدرة، لكنه كمان إستعلاء بالممارسة ومحاولة فرض النموذج ونمط الحياة والحكم ، ورغم كده عندما جاءت الجائحة إكتشفتوا القصور في نظامكم الصحي والذي عجز عن المواجهة.
٭٭٭ هي الصراعات والحروب اللي حصلت في منطقتنا ودمرت كل الدول اللي حوالينا ..ولم ينجوا من شرها غير مصر.وتسببت في تشريد وتهجير كل تلك الملايين من البشر حول العالم..كل الكوارث دي كان مين سببها ؟؟!!!!!!!!!!!!!!…مين اللي هدم الدول دي وتآمر عليها وضرب ودمر وخرّب بلاد كانت آمنة و مستقرة تحتوي شعبها على أرضها. مين اللي إنتهك حقوق الانسان في الدول والمجتمعات دي؟؟!!!!!!!!!….
٭٭٭ وبعدين جايين تحاسبونا إحنا على حقوق الإنسان؟؟عن أي حقوق بتتكلموا؟!!!!…وأي انسان تقصدوا؟!!
٭٭٭ هو مفيش حقوق إنسان غير حقه في التعبير وحقه في الديموقراطية؟!!!!!!… طاب ما إنتوا شايفين القيادات اللي بيتناحروا مع بعض حول العالم عشان السلطة مش أكتر..حد فكر في حق شعوبهم في حياة آمنة ومستقرة بعيداً عن صراعات التكالب على السلطة؟!!!!!..
•في هذه الجلسة كان رئيس دولة بإمتياز ورجل دولة وطنى حر فقد كان أكثر حزما وحسما وقصفا بالقذائف الدقيقة الموجهة ..وأثلج صدري وصدر كل مصري أمين مع نفسه وعلى وطنه.
••• أفحم الرئيس وأنار الطريق وكشف زيف إدعات دعاة حقوق الإنسان ماذا تفعلون فى أى متطرف آخرج مطاواة فى أحد شوارعكم. أجيب يتم تصفيته فوراً وتلومنا أننا نحارب الإرهاب هل مطلوب مننا أن نوزع عليهم الورود والحلوي.. قمة التناقض أن ينحصر حق الإنسان فى التعبير فقط وأن كان يهدد أمن بلده وإستقرارها . أنت لستم قدوة . ففاقد الشئ لا يعطيه. أضربوا لنا المثل والقدوة ونحن نفكر فيما فيه الصالح الوطنى.عاشت مصر بلادى حرة أبية عصية على كل غادر وسلمت بلادى من كل سوء بفضل أبنائها المخلصين الأوفياء الشرفاء من أبناء الوطن الواحد…
