” فى الإمكان “
الشاعر/خالد فضل
بنتى وحبيبتى بدعيلك
وانا ساجد
وانا شاكر وانا راضى وانا حامد
وانا قايم وانا نايم
وانا سابح فى ملك الله
بقول يارب خليها
وخد بإيديها وديها
لهداوة البال
وفرّح قلبها السارح لبره الكون
وامسح ليها دمعتها
اللى مانشفت
من امبارح لحد اليوم
ياقلب أبوكى ياعيونه
بلاش أحزان
دا بكره تجيلك الأفراح
ويبقى الحزن كان يامكان
مفيش مستحيل عنده
دا كله هان
فى لحظه هان
دا حبة صبر نصبرهم
بتبقى الجنه ف الإمكان
فما بالك على الدنيا
دى اهون شىء على الرحمن
وبكره تدوقى م الفرحه
عسل سكر
وشهد بنكهة الرُمان
يااجمل إسم ف الأسماء
فروع من فل على بابى
وشجره تضلل التعبان
الشاعر/خالد فضل
مرتبط
