عصابة العلاقات
بقلم/السيد شحاتة
ما تدخلوش طرف تالت بينكم يا جماعة خلوا بالكم في حاجة اسمها ” عصابة العلاقات “
في ناس بتعمل فيها البلسم اللي يتحط علي الجرح يداوي وهما يتحطوا على الخلافات يزودوها
ممكن يكونوا اكتر ناس كارهين لك الخير وكارهين شعور الاستقرار النفسي والاجتماعي ليك
شعورك بالراحة والسعادة مع شريكك ده ممكن يجننهم ويزود الحقد جواهم
لو هتدخل طرف تالت يصلح ما بينك وبين حد اتأكد الأول ان الطرف ده فيه عمار بينه وبين ربنا عشان هيخاف على كل كلمة وكل نصيحة هتطلع منه لك
في ناس شاطرة في خراب البيوت والقلوب
وناس صيادة قذرة قادرة بتعمل فيها حمامة السلام وهما في الأصل كارهين انك تعيش في سلام
مش أي حد تأتمنه على اسرار بيتك وعلاقتك بشريك حياتك
اختار اللي يتقي الله في افعاله مش في مظهره ولا في حلاوة لسانه
اختار الانسان العادل اللي ما يظلمش ولا يرجح كفتك على كفة شريك حياتك الا لما يسمعك ويسمعه ويحكم بعد ما سمع منكم انتم الاتنين وينصحك بعدها بعدل ربنا
في ناس عندها قدرة على الشحن والتقويم والتسخين وكل المسميات القذرة
وفي ناس محترمة بتخاف ربنا في ابداء النصح واقتراح الحلول الحقيقية لتعمير البيوت
اياكم والمجازفة والتسليم والثقة في من لا ثقة له ولا أمان
مرتبط
