نقطه من اول السطر
. اعرف بلدك
بقلم د /حماد مسلم
في الحقيقة مبادرة اعرف بلدك تحتاج الي الكثير حتي يتم تفعيلها بالصورة التي تتناسب مع تنشيط السياحة الداخلية دون المزايده او استغلال المبادره لتكون بمثابة افتح الدرج وخد اللي فيه النصيب مثل مايحدث في الاحياء من تخليص رخص مفيش مانع بعد ما تفتح مخك انشاء كشك.يبقي جميل ولا تأخذلك نمره في سويقه اجمل واجمل ولا تفتحلك ساحة لجراج السيارات يبقي اجمل واجمل ياساده تنشيط السياحة الداخلية هتعوضك كثيرا عن السياحة الاجنبية شبه المتوقفه خلق فرص عمل لأولاد البلد يعني تقدر تقول كده العجلة هتمشي والسوق يشتغل وقيمة الجنية تزداد ولكن عدم تفعيل مبادرة اعرف بلدك وتقتصر علي الشباب والرياضة والاحزاب للاسف الشديد جهد علي الفاضي وضحك علي الدقون قول كده زي الاكازيون الصيفي او الشتوي مجرد مسمي لعرض المنتجات المحروقة ياساده نحن في اشد الحاجه فعلا لمعرفة بلدنا …بلدنا جميلة فعلا جميله بلدنا تمتلك كل مقومات السياحة ان كانت اجنبية او سياحة داخلية تمتلك والسؤال هل فعلا نمتلك المقومات نمتلك الكوادر ونمتلك الطاقات وخاصة الطاقات البشرية ياساده شبابنا لدية طموح وايضا منشاءات بالمليارات معطله ان كانت فنادق او منتجعات او قري سياحية تعالي بقي للكارثه هناك بيوت بالفعل خسرت كتير وفقد عوائلها عملهم واصبحوا في صفوف العاطلين يعني اللي كان محوشله قرشين الحمد لله القرشين قربوا يخلصوا وفيه اللي خلصوا منه يعني تقدر تقول كده بيوت خربت وشباب نهاره وليله مقضيها علي القهوة خلينا مودرن مقضيها علي الكافيه ….
عزيزي القارئ مسئول السياحة في مصر عليه دور في تفعيل المبادرة بجانب رجال الاعمال واصحاب الفنادق والقري السياحية والمنتجعات هناك شواطئ رسم الدخول مائة جنيه هناك اماكن رسم الدخول يفوق بكثير عن طاقات المصرين وكإننا بنقولهم بلدكم مش عايزه تعارف من حد بالذمة ده كلام وحتي بلدنا مستخسرين فينا نعرفها طب ازاي اشكر بلدي وامدحها واغني ليها واقول مصر جميله خليك فاكر مصر جميله… عيب قوي لما تكون بلد فيها ثلثي اثار العالم تمتلك من نواصي البحار وشواطئ جميله ونكون صفر سياحة اذا انتعشت السياحة الداخلية سوف تنتعش السياحة الخارجية وقتها سيكون اقتصاد بلدنا من الاقتصاديات القوية من العيب ان تسأل شاب عن عاصمة مصر ميعرفش اهم المواني ميعرفش علي اي حال مبادرة اعرف بلدك مبادره تحتاج لمصريين تحب بلدها بجد مش مبادره حبر علي ورق ومبادرة تفصيل زي قوانين كتير تم تفصيلها الناس معينه والقوانين كتير
….الخلاصة
السياحة الداخلية حان دو ر تفعيلها
….فيتووو.
ملعون من يتاجر بوطنيته
