بياع الغرابيل

بياع الغرابيل
بقلم د/ صبرين محمد الحاوي/ مصر
الراجل الحر الاصيل مايخافش
من القيل ولاقال
ويفضل علي دا الحال شغال
لجل اما ياكل لقمة حلال
ده رزقه ورزق عياله
انشاله يكون بيبيع
غرباااال
وبياع الغرابيل ده راجل
شهم اصيل مارضيش
يقعد في البيت ولا يركن
جنب الحيط ولامعاه
فدان ولاغيط
والرزق علي الخلاق
والرجولة ياناس اخلاق
قالولو ناس كتير
تعبان من كتر شيل
وبيع الغرابيل
طب شفلك شغله سهله
قال بالشقي انا اولي
ورزقي ورزق العيال
دا زمانا زمن احمال ماتحملها
الا رجال
وانا طول اليوم شغال
ببيعلي كام غربال وبلف بلاد
وبلاد وفي موسم الاعيادة
بركات رب العباد
بلاقي الرزق ذاد
وبفرح الولاد
بياع غرابيل في حالي
والناس طب مالها ومالي
ولو تطول الطريق
مابقلش مستحيل تعبت ومش
هكمل انا اب ولازم اتحمل
ورب العالمين دايما رزاق كريم
لامعايه فدان ولاغيط ولاهقعد
جنب الحيط احط ايدي
علي خدي ومابعش الغرابيل
وببيع الغرابيل
علشان شهم واصيل
بقلم د/ صبرين محمد الحاوي /مصر