ناس ، سواريه
بكل الدناوة ، بتكشموا. لبعض بغباوة
ف مين يهش و مين يكش من الشقاوة
و مين ح يبقي ع اللي كان ليهم غلاوة
و مين في قلب المصلحة ماشي حلاوة
و مين يصور ، و اللي حور كان طراوة
دا ،اللي كان محتاجلكم ، غاوي النقاوة
الناس علي دا ، الحال
تشبه لورق الشجر
و الدنيا دي ترحال
ممر رحلة سفر
في ناس قلوبها مال
معجونة بالطيبة
و ناس تانية غريبة
قلوبها سنط و حجر
ما تبكيش علي قلب خسيس
عمره ما كان بيحن عليك
ما تفكرهوش يوم ابليس
دا ،ابعد م اللي تشوفه عنيك
ح ينادي بالوعظ و يغدر
ح يشوفك غرقان و يكبر
و أما تنادي عليه يتأمر
تتفاجئ باللي مخبيه
قلبك طيب صافي النية
مش نيته مكحولة سواد
دايما بتقابلك مرازية
و اللي معاك يتفات له بلاد
بتسامح ، في جميلك ينكر
و بيحلف إنه ح يتغير
و يعيد تاني عشان ما بيقدر
أصله دا ، منهج ،ماشي عليه
و انت التايه ، يا ولداه
متكدر تمسح في عنيك
شايف الظلم في خلق، الله
تتلقي اللي بييجي عليك
بُص عليهم و انت بعيد
شوفهم تاني بشكل جديد
راح تلاقيهم ايد في الأيد
بمبادئ ماتينيه و سواريه
شعر / ياسر عبد الحميد
مرتبط