ومين غيرك يا حلوه يهون عليا قسوة الأيام ومين غيرك يفهمني من اشاره قبل الكلام ومين غيرك يقدر ينسيني التعب والوجع مين غيرك يحلالي اسمع صوته قبل ما انام
انا السجين في قلاع حبك وولهان انا اللي لما بكون جنبك بحس بدفا وامان انا اللي من خلق كتير اتصدم واتلدع وكنت اقول عادي العوض جاي ادام
كنت طول الوقت اقول لنفسي عادي وماله ما هي الايام كدا ولا بيبقي بني آدم ع حاله ومع اني عارف كدا كنت صاحب صاحبه وجدع وتغور الدنيا لما صاحبي يرويني بسؤاله
كان قبلك اهمال في حق نفسي وخلاص التوبه كنت بالنسبه لغيرك صيده سهله ومرغوبه وكانوا من ادامي بيضربو بيا المثل والودع ومن ورايا الزيف يبان وعمري ما كنت محبوبه
وخلاص عوض ربنا جميل ومعاه الفرج وان كان مفيش مانع أكمل عمري معاك والرد بدون حرج وواثق هتكوني غير كل اللي فاتو باطل ومن البدع دي الناس بتعلي بالصحبه الصالحه وتهون مآسي سلم الحياه درج ورا درج
