اماكن في مصر لا يعرفها المصريين أنفسهم مقابر البقيع

اماكن في مصر لا يعرفها المصريين أنفسهم مقابر البقيع
الثانى فى مصر
متابعة/ محمد مختار
١ -البقيع الثاني أو مقابر البقيع المصري. هل تعلم ان مصر فيها بقيع تاني غير البقيع الموجود ف المدينة المنوره و مدفون فيها 5000 صحابي منهم 70 صحابي من اللي شهدوا غزوة بدر مع رسول الله ﷺ و تحديدا موجودة في صعيد مصر قرية البهنسا في محافظه المنيا
البهنسا ؛ قطعة نور في ارض مصر سقط علي ترابها الاف الصحابة شهداء وحَوَت ارضها اجسادهم الطاهرة بعد ما سيدنا عمرو بن العاص فتح مصر سنة 20 هجريا و فتح كل حصون الرومان المحتلين في شمال مصر استأذن سيدنا عمر بن الخطاب في استكمال فتح حصو.ن الجنوب لفتح صعيد مصر كان اقوي حصن، للرومان وقتها حصنين .. هما.. حصن البهنسا و التاني حصن اهناسيا .. وفعلا ارسل سيدنا عمرو جيش، لاستكمال الفتح و هنا دفع الرومان بكل جنودهم لحصن البهنسا لان سقوطها يعني سقوط الصعيد و دارت المعر.كة و انتصر المسلمين و ارتقي من جيش المسلمين 5000 شهيد من الصحابة الأجلاء رضوان الله عليهم.
ومن اشهر الصحابة المدفونين في البهنسا ..
-زياد بن ابي سفيان بن الحارث بن عبد المطلب
-سليمان بن خالد بن الوليد
-عبد الرحمن بن ابي بكر الصديق
-الحسن بن زين العابدين بن الحسين بن علي بن ابي طالب (الحسن_الصالح)
-محمد بن ابي ذر الغفاري
-محمد بن عقبة بن نافع
-علي بن عقيل بن ابي طالب
-جعفر بن عقيل بن ابي طالب
-خولة بنت الازور
-القعقاع بن عمرو
-زياد بن أبي سفيان بن الحارث بن عبد المطلب الهاشمى،
-محمد بن عقبة بن نافع الفهرى القرشى،
-صاغر بن فرقد،
-عبد الله بن سعيد،
-عبد الله بن حرملة،
-عبد الله بن النعمان،
-عبد الرزاق الأنصارى،
-عبد الرحيم اللخمى،
-أبو حذيفة اليمانى،
-أبو سلمة الثقفى،
-أبو زياد اليربوعى التميمى،
-أبو سليمان الدارانى،
-ابن أبى دجانة الأنصارى،
-أبو العلاء الحضرمى،
-أبو كلثوم الخزاعى، أبو مسعود الثقفى” وغيرهم.
كلهم دُفِنوا علي مسافة قريبة منك و قطعه الارض دي قد تكون علي بعد دقائق او ساعات قليلة من بيتك تحوي أجساد حفيد سيدنا رسول اللهﷺ و ابن سيدنا ابي بكر الصديق و ابن سيدنا خالد بن الوليد و القعقاع بن عمرو الذي قيل فيه :
“لا يُهزَم جيش، فيه القعقاع “
إلى جانب إحتضان أرض البهنسا لأجساد الصحابة الأجلاء ،
كمان كانت قلعه من قلاع صناعة الغزل و النسيج في العصر الإسلامي ، من البهنسا خرجت كسوة الكعبة المشرفة الي مكة المكرمة في العصر الفاطمي
٢ . عدد الصحابة المدفونين اسفل جبل المقطم على الاتوستراد قبل الاباجية اي مكروباص للإتوستراد و تنزل عند القرافة تطلع ع الأباجية و تسأل ع القرافة الصغرى (هتلاقي مسجد اسمه الليث بن سعد ) هتدخل و تفضل ماشي هتلاقي ضريح ذو النون المصري .. هتخليه على يمينك و تفضل ماشي هتلاقي نفسك بين ضريحين.واحد مكتوب عليه رابعة العدوية ( أيوه التائبة رابعة العدوية مستغرب ليه ) و التاني هتلاقي مكتوب عليه محمد بن الحنفية بن علي بن ابي طالب ( آه و الله) ..
هتقرا الفاتحه وتسلم وتسيبهم و تكمل مشي هتلاقي بره كده على يمينك قبة مكتوب عليها ضريح الشريفة فاطمة حسن الأنور و كمل مشي هتلاقي مسجد سيدي عقبة بن عامر الجهني ( كل دول اسيادنا من السلف الصالح خلي بالك)
هااا الحمد لله وصلت طب شايف بقى الضريح ابو قبة الكبير ده اللي في نص المسجد ؟ سيبك منه دلوقتي ( الموضوع كبير ) و كمل لحد الباب الخلفي للمسجد هتلاقي مربع متر في متر مدهون دهان أخضر علي الارض . ده بقا قبر سيدي و سيدك و سيدنا كلنا ( سيدنا عمرو بن العاص رضي الله عنه لا يا سيدي مش مدفون في المسجد اللي في مصر القديمة زي ما كنا فاكريين …طب ليه مفيش قبة ومحدش يعرف مكانه لان تم تهميشه بشكل مبالغ فيه ايام الفاطميين و اكيد عارفين ليه الفاطميين الشيعة بيكرهوا سيدنا عمرو بن العاص و الخلاف معروف تاريخيا طب ليه محاولوش يبنوا قبة بعد الفاطميينعشان كانوا بينفذوا وصية عمرو بن العاص انه محدش يبني على قبره قباب و شواهد و يبقا قبر بسيط و صغير و كمان خوفاً عليه من الشيعة و جبروتهم
طب العظماء دول مدفونين هنا ليه المقوقس كان ماشي مع عمرو بن العاص مرة فقالوا ان المقطم بيطلع فيه شجر من الجنة و انه مكان طاهر ف سيدنا عمر بن الخطاب وصى بدفن المسلمين فيها اخرج بره خالص و انزل تحت في القرافة الكبرى هتلاقي الامام الشافعي و الملك العادل و قايتباي و خلفاء المماليك و العباسيين و الفاطميين و المقريزي و ابن عطاء الله و الإمام الشاطبي اشهر من جمع قراءات القرآن وعلى مقربة منهم هتلاقي كل اللي ودنك سمعت عنهم من قبل طبعاً الزيارة دي مش للتعبد و لا شد الرحال إنما هي للتثقف و المعرفة حتى نتعظ و نفتخر بهذه الرموز التي تزخر بها أرضنا مصر و محروستنا