★★★★★★★★
اسمع و شوف العجب
احلامنا في البتارين
الحزن شئ مكتسب
و الخير لناس تانيين
قالوا ، علينا زمان
اصناف بشر مساكين
بنكمل،،،،، العنوان
و الاسم ،، بني امين
قصة ،، و مكتوبة
من بدري محسوبة
أبطالها ،،، منكوبة
واخدين علي الحرمان
عرفوا الحياه فانيا
بصوا ، لحياه تانيا
فيها راحة ،، دنيا
مافيهاش شيطان ولا جان
اسمع و شوف العجب
عن ناس تخاف م الخوف
مفطومة ع اللي انكتب
و الحزن بات مألوف
شايلة هموم الزمن
علي ضهرها بتطوف
عدا ألألم جانبهم
قالوا عليه .. عراف
مساكين و ايه ذنبهم
و الكل بات خواف
اشكال علي لونها
غرقان في دموعها
مين اللي،، ضيعها
غير ظلم فيه طغيان
ماشي و مش شايف
و الظلم فيه جارف
ما تقولش مش عارف
لو كنت ،،يوم ،، انسان
★★★★★★★★★★
أشعار/ ياسر عبد الحميد
★★★★★★★★★★
مرتبط
زر الذهاب إلى الأعلى