كثير من الناس عندما نتعامل معهم نظن إنهم ليس لديهم هموم أو مشاكل وأنا من هؤلاء الناس وكتير يسألوني هو أنتي بتضحكي على طول ازاي كده هوإنتي معندكيش مشاكل !!!هو إنتي مش عايشة معانا!!! هو إنتي إيجابية كده على طول!!!
هرد عليهم وأقول لهم أنا إنسانه عادية، ساعات بيكون عندي طاقة عايزة أوزعها على الناس كلها٠
وساعات ببقى مش طايقة حد ولا حاجة ليها طعم وعايزة أبعد عن كل حاجة ٠
الإيجابية منهج حياة
الإنسان الإيجابي مش سعيد وبيضحك طول الوقت هو إنسان عادي زاي باقي الناس٠
يحزن ويفرح ، يبكي ويضحك، تقابله صدمات في حياته ويتعرض للفشل.
الفرق الوحيدإ نه إنسان متفائل يعرف جيدا أن لا شيء يدوم، لا الحزن يدوم، ولا الفرح يدوم، وبعد الليل بيجي نهار.
هو انسان ينظر إلى حل المشكله وليس الغرق بها ينظر دائما إلى الأمام وليس إلى الخلف.
يؤمن بنفسه وقدراته ويثق بنفسه، عنده حسن ظن بالله أن الله لايضيع أجر من أحسن عملا ٠
عارف هدفه وبيتحدى كل شيء للوصول للهدف والنجاح هو ده الإنسان الإيجابي؛ خليك إيجابي٠
