خواطر وأشعار
يا وطني
يا وطني
كلمات الشاعر محمد عبد العزيز رمضان
يا وطني
مش ممكن أسيبك
أو أبيعك
لو حتى هموت
ما تخافشي
عندك رجالة
لو تؤمر
في الصعب تفوت
لو فكر
حد يقربلك
فمصيره
بركان مكبوت
وعشانك
هنضحي بروحنا
ودمانا
بعلو الصوت
هنقولك
يا وطنا
هتعلى
وهتقضي على كل حسود
وجيوشنا
بالعزم هتقدر
تتغلب
على كل سكوت
وهنكتب
بإيدينا تاريخنا
مش ممكن
هنخلي سدود
تحرمنا
من مية نيلنا
وهنعبر
وديان وحدود
وهنثبت
للعالم كله
لولادنا
ولكل حقود
يا وطنا
إننا رجالة
وهنقضي
على كل حسود
والباطل
بإيدينا هيرحل
قدامنا
هيكون مهدود
وولادك
راح تحكي بطولة
أبطالها
فرسان وأسود
بشجاعة
وعزيمة وقوة
وإرادة
وإيمان وسجود
راح ترجع
من تاني يا نيلنا
وهتروي
أشجار وورود
