مرارة الغربه………

-مرارة الغربه………

—–كلمات الشاعر احمد جابر سويلم

على فين تفوت يابنى اوطانك

ماتفرحشى بالغربة بهجرانك

لافيها صاحب ولاخلى يقول مالك

ولاحد راح يسئل عن احوالك

مرارة الغربه عشناها وشوفناها

على فين تفوت يابنى اوطانك

فى ارضك ازرع وخضرها

وشمس بلادك على ارضك تنورها

بلاش الغربه ومين غيرك يعمرها

فى ارضك تلاقى الطير بمنقاره بيسعدك

على فين تفوت يابنى اوطانك

غريب ونفسه ترحل يسكن فى دوارك

وخير ارضك يعبى يشيل فى هجرانك

بلاش الغربه تزيد ك يوم فى همك واحزانك

ارجع لاصل جذورك وعنوانك

تفوت بلدك وخيرك يخطفواغيرك

تعالى نبنى ونعمر نفك ادينا نتشمر

نقول ياسقيتى دورى وخلى الزرع يتامر

على فين تفوت يابنى اوطانك

فى همس الليل تلاقى الزرع بيرفرف

وانا العاشق لاوطانى فى طلة بدر بتهفهف

تفوت ارضك ومين غيرك هيبنيها

تعالى نشغل مصانعنا ونحميها

نزيد انتاجها وخيرها يكفينا

على فين تفوت يابنى اوطانك