تايهين يازمن———كلمات الشاعر احمد جابر سويلم

تايهين يازمن———كلمات الشاعر احمد جابر سويلم

قالو الفقير غلبان————— ما تظلموش يازمن

ماهو برضه فيك انسان———عايش ملهوش تمن

افراحه ليه احزان—————وسنينه حزن وشجن

علشان ضعيف مكسور———-بتلاعبه ليه يازمن

وديابه له واقفه—————–للقمته خاطفه

خليت له ايه يازمن————-ومنين هيدفع التمن

فيه ناس وطماعه————–تاكل ومابتشبع

وفى القصور عايشين———-والنفس مابتقنع

يادنيا حسبى عليه————دا عمره مابيطمع

قالو الفقير غلبان ————–ماتظلموش يازمن

ماهو برضه فيك انسان——–عايش ملوش تمن

ياناس ومليانه ——————قلوبكم نعسانه

ضمايركم سكرانه————–عاى الحق غفلانه

عايشين فى دوامه————احلامكم سرحانه

وان جه فقير ليكم————-همومه ترضيكم

هوانتم ليه والزمن————-عايزينه يدفع التمن

قالو الفقير غلبان————–ماتظلموش يازمن

ماهو برضه فيك انسان——-عايش ملهوش تمن

رب العباد نادى—————-قال الفقير ابنى

ينده يلاقينى——————طلبك مجاب عاندى

يارب صابرنى—————–مالدنيا طهرنى

انا ليلى ليك قربى ———قادر هتحمينى

قال الفقير غلبان ———–ماتظلموش يا زمن

ماهو برضه فيك انسان———-عايش ملوش تمن