فمتو ثانيه بقلم لبنى يونس من 30 سنة العالم المصري أحمد زويل قدر يرصد حركة الذرات والجزيئات في زمن الفمتوثانية واللي اخد بسببه جائزة نوبل لحد ما ظهر من كام يوم عالم مصرى عبقري وهو الدكتور محمد ثروت حسن أستاذ الفيزياء والضوء بجامعة أريزونا الأمريكية اللي قدر يرصد حركة الإلكترونات في زمن الأتوثانية وهو اسرع ألف مرة من الفمتوثانية وقدر كمان يطبق اكتشافه في تحويل مواد عازلة زي الزجاج إلى مواد موصلة للكهرباء
وكمان هيفتح الطريق لتطوير الإلكترونات الضوئية اللي بتعتمد على التحكم في انتقال التيار الكهربي والتحويل من الحالة الموصلة (ON) لغير الموصلة(OFF) بسرعة الأتوثانية وده اللي هيزيد من سرعة الأجهزة الإلكترونية زي أجهزة الكمبيوتر والسمارت فون 100 مليون مرة من السرعات الحالية
مجلة “نيتشر فتونكس” العلمية الشهيرة اتكلمت عن الموضوع وقالت ان الاكتشاف ده هيقود لتطور ضخم في مجال الإلكترونيات خاصة ان من تطبيقات الاكتشاف المثيرة هي القدرة على نقل المعلومات باستخدام أشعة الليزر بسرعة الضوء ويعتبر نقل المعلومات بالسرعة دي هو حلم العلماء وهيكون له تاثير مباشر على البشرية
ابناء مصر في كل دول العالم لهم بصمة كبيرة في تغيير مستقبل البشرية 🇪🇬 . الكاتبه والأدبية المصرية الدكتوره لبنى يونس
