قرب جرب
الشاعر : خالد فضل
قرب قرب
جرب جرب
حاول تقفل نهرالنيل
تعمل عنتر تعمل عبله
او عنتيل
تركب راسك تركب خيل
تعمل ساحر تقلب طيير
كده هتشيل وكده هتشيل
هتشيل زفت عليك او طين
تطلع مين جاى بتتشرط
وبتتقالط قول على مين
يابنى دا آخرك تعجن طين
وتعمل منهم قله وزير
ويالا ياسيدى
هنتبرعلك بالكولدير
وموقف فاضى و تركن فيه
إسم الله عليك
الحناطير
اوعى تفكر او تتصور
إنك تملك نهر النيل
أو تتحكم فى التخزين
وإنك تفتح لينا الميه
مره شمال ومره يمين
تطلع مين ياعويل ياحزين
دى مصر بنتسمى بحضارتها
هبة النيل وشعب أصيل
وكل حضارته
فوق النيل
ومهما تزيط والا تعيط
والا تبيض
ماتاخد منا نقطة ميه
لا بالعافيه والا بتنطيط
عايز تعمل اعمل واسكت
واحنا هنعمل ونقول توت
واللى هيمنعا المرادى
نفسه يموت
تبنى السد أو تبنى سدود
حصتنا .. هتعود هتعود
لو مشيت الميه بتاعتك
جوه عامود
هنكسر عودك ويا عمودك
ونقول توت
واللى هيمنعنا المرادى
والمره الجايه
نفسه يموت
قرب قرب جرب جرب
حاول تقفل نهر النيل
هيطلع مارد يكسر سدك
ويكسر أنفك
وتبكى ماتبكى
هات deal
هات deal
