رساله من شهيد

–رساله من شهيد

———–كلمات الشاعر احمد جابر سويلم

رساله من قلبى لامى———–حروفها مكتوبه بدمى

اقراها يابا انت وعمى————-وهات اخويا يكملنى

سلاحى لسه وفى ايدى———–ورصاصه جواى فى صدرى

على الرمال بكتب اسمى———انا الشهيد انا المصرى

رساله من قلبى لامى—————حروفها مكتوبه بدمى

عهدينى يامه اسمع صوتك———-مش قاصدى يامه انى افوتك

ادعيلى ياامى فى صلاتك————بلاش دموعك وسكوتك

وضمى اخويا فى احضانك———–واحكيله عنى فى حياتك

رساله من قلبى لامى—————–حروفها مكتوبه بدمى

قولى لابويا ولعمى——————-دعاكم ليا ملازمنى

وفى المعاد تفتكرونى—————–اوعوم فى يوم بقى تنسونى

رساله من قلبى لامى—————–حروفها مكتوبه بدمى

وانتم ياهلى وخلانى——————يا اهل بلدى واوطانى

بلاش خصام لايزيدهمى————–خصامكم عندى بيالمنى

صحابى ديما عارفينى—————-هادى فى طبعى واخلاقى

رساله من قلبى لامى——————حروفها مكتوبه بدمى

وصيتك قبل ما افوتك—————–بلاش دموعك واحزانك

زرغوته يامه من فمك—————-تشيل كتير عنى وعنك

سلام يا ابويا انت وامى—————سلام يا اهلى اصحابى

وخلى بلكم من امى——————متخلوهاش تحمل همى

رساله من قلبى لامى—————–حروفها مكتوبه بدمى