يوليو يا ناصر
يوليو يا ناصر
الشاعره الأديبه : نهى حمــزه
على رحيلك فات واحد وخمسين سنه
وثورتك مانامت من تسع وستين سنه
وأنا لسه باحاول وباتحايل
أخرج المدفون فى صدر العنا
وأهو كل سنه باكتب وأقول
ومهما أقول موفيش الجمايل
وحياة جمايلك
وطله منك
وانت عارف إننا ولاد أصول
إلى جوانا كتير
وكتيرك ما يخلص
رصيدك فى دفتر التوفير
ولسه بنصحى على الحلم الجديد
نكبر ونكبر والخير يزيد
ومصر محبوبتك
قوة عروبتك
ولسه بنهنى ونفرح فى كل عيد
ثورتنا فرحه وضمة وطن
حتى وإن كنا فى أيام المحن
ولسه السد بيسد فى كل أزمه
ولسه عالى بيروى القصبه وينتج الحزمه
ولسه بيروى العطاشا وله لازمه
ولسه بنفتكرك يا ناصر بالفتحه والضمه
ولسه الأرض بتنادى عليك
ويوليو هالل بسيرتك العطره
وثوره شالتنا من القساوه والعسره
رجعتنا كرام من ذل اللى حرمونا م النعمه
أنعيك ولا أدعيلك ولا أدعيك
إطمن علينا بنبوس إيدينا
والنعمه يا ناصر إحنا فى نعمه .
بقلمى 🖋
نهى حمــزه
