رساله لكل اب…
– رساله لكل اب…
—-كلمات الشاعر احمد جابر سويلم
كنت نايم كنت صاحى
كنت باحلم كنت ببكى
وابتديت فى الدنيا افتح
مره ابكى مره اضحك
كنت لعبه فى ايد الكبار
مااترحمتش حتى من الصغار
كنت جاى الدنيا خايف
من همومها كنت شايل
عمر بجرى فى سباق معايه
كنت بزحف عالارض والعب
مره اشيل من ترابها واكل
كنت لسه فى حالى تايه
وابتديت على الارض امشى
مره واقف مره واقع
المهم على الارض امشى
وابتديت بالكلام انطق
والمداعبه من الكبير والصغير
فرحانين من صوتى وكلامى
علمونى يعنى ايه شتيمه
علمونى للام اوللاب اشتم
واللسان عالشتمة ردد
وابتديت فى العمر اكبر
والاهانه صوتها جواى بكبر
وابتديت للصح افهم
كنت بصرخ لما اسمع شتيمه
مش شطاره اعلم ابنى
للغلط واقوله ابنى
علم ابنك فى الدين اصوله
لما يكبر يعرف يصونه
علم ابنك مين محمد
علم ابنك مين رسوله
علم ابنك مين خلقنا
علم ابنك مين رزقنا
مين فى الكون خلقنا
علم ابنك للحق سيف
علم ابنك لو جاله ضيف
علم ابنك يعنى ايه جيران
علم ابنك يعنى ايه حلال
علم ابنك يعنى ايه حرام
راح تلاقى منه راجل
له قيم له مباديء
فى الكبر راح يشيلك
لماابنى وابنك فى الرعايه
والربايه تكون صحيحه
مجتمعنا راح يكونله
فى الكون دا قيمه
