خواطر وأشعار
سنين العمر بتعدي….
سنين العمر بتعدي….
كلمات الشاعر محمد عبد العزيز رمضان
سنين العمر بتعدي
لفين يا دنيا خدتينا
ونفسي تليني وتهدي
ومن أحزاننا تشفينا
وقلت خلاص ومين أدي
لبحر عذابنا ترمينا
أنا ماشي ولا بيدي
ونار بعده بتكوينا
ودنيا تاخدني وتودي
وبحر عذاب بيسقينا
لحلمي تبيعي وتهدي
بدمع العين تبكينا
وليه لطريقي بتسدي
وجوا همومنا سبتينا
ومهما بعدت بتشدي
ياريت مره تقوينا
سنين العمر بتعدي
وحاسس إني فيها وحيد
وساكته قولي ما تردي
طريق الفرح بينا بعيد
وعشت حياتي وبودي
يضيع الحزن والتنهيد
بقوه نفسي وتحدي
هخلي لعمري عمر جديد
كتير بلقاكي بتعاندي
غريق محتار وإيه هيفيد
وكل دقيقة بتصدي
يموت جوايا حلم وليد
سنين العمر جوايا
ومش ممكن يضيع موجود
وياما سهرت ومنايا
أعدي فوق بحار وسدود
يا شمس حياتي وسمايا
لكل الصعب مش هنعود
