– اضحك ياقلبى—–كلمات الشاعر احمد جابر سويلم
اضحك ياقلبى
خليها عالله
ارمى الهموم
وسيبها عالله
متقولشى كانى ولامانى
دالرزق وافر مشاء الله
يافجر صحينى وشقشق
خلى الطيور صوتها يلقلق
يازهر فتح واتبسم
علعود هغنى وهقسم
ياسقية دورى بشخاليلك
بالصوت هغنى مواويلك
اضحك ياقلبى خليها عالله
ارمى الهموم وسبها عالله
رزقك وجايلك خير وافر
بس انتى فى الارض تعافر
اوعى فى يوم تهمل زرعك
الرزق فيه مايكون وافر
قد ماتتعب هتلاقى
والخير سعتها يكون زايد
توب الاصيل ديما غالى
حافظ عليه تصبح عالى
اضحك ياقلبى
خليها عالله
ارمى الهموم
وسيبها عالله
