٩/٩ اليوم عيد الفلاح المصري
كل عام وكل فلاح متهني
كل عام وكل فلاح برقي
وتقدم وانتاج وفير و مكفي
وزايد وسنابل القمح تفيض
علي إنتاجها بدل التصدير.
يارب بارك وزيد والأرز.
يرخص ويكون متوفر.
بالسوق والفقير.
يأكل بدل ما يبقي ١٦ ج يبقي.
٨ ج عشان ايجار الأرض
يرخص بدل ١٥ .١٧ . ٢٠ ألف
ايجار الفدان غلبان يا مزارع
ما صدق أصحاب الأراضي
غلاء الأرز رفع ايجار موت
الفلاح المستأجر يارب
أرفع عنا الغلاء والبلاء
وأرحم عبادك من عبادك
أرحم عبدك الفقير
الجشع والطمع ملأ القلوب
لما قلت البركة وقلت المحاصيل ؟؟
عاد زمن حرب
حرب الفلوس
حرب اللاخلاق
ضاع الضمير
ومات الفقير
وناس كدابين ومنافقين
وفلاح مطحون بالسقاية
دوامة الفقر وغلاء
التقاوي والكيماويات
والمبيد كله علي رأس الحزين
والناس الرايقة
الناس الفاضية
قاعدين علي السلالم
حاسدينه بيبص للشوية
الشكاير وهم داخلين البيت
ميعرفوش دفع كم حق
المكنة وشغل انفار
وشغله دا مش محسوب
لو جات تحسب للي يستأجر
يادوب يفيض أكله
والباقي يبيع ويسدد
ويمكن يستدان ما يكفي
واللي معاه ملايين
بالبنوك عينهم فيها شرار
كلها غل ونار
مسكين الفلاح المصري
مسكين أبو الطاقية والجلباية
الفقير اللي محسود
علي ماشية وشقاه وتعبه
مش عارفه علي ايه
عاملين له
عيد وهو مطحون بينام الليل
عينه صاحيه بيفكر بالديون
ربنا يقوي الفلاح
الطيب اللي من الفجر صاحي
ورايح الأرض يزرع البذور
تحياتي لكل فلاح مصري
مخلص بيحب الوطن
ويحب مصر
عشان الكل يأكل ويعيش
كل عام وكل فلاح مصري بخير
وكل مشاكل الفلاح المصري
تتحل ويعيش رايق مرتاح البال
يارب زيل عنهم الهموم
ورغم كل شيئ مبتسم
مش بيشكي ولا يقول
وعايش يا دوب يوم بيوم
هو دا بجد الفلاح المصري
حامل فأسه وعلي الغيظ بينهم
قصة حب طويلة عمر السنين
مقال الكاتبة
الأستاذة حميده الحنفي
٢٠٢٢/٩/٩
الجمعة
