النداهه
كلمات / أيمن البكري
وكأن الحياه نداهه.
بتندهنا تتوهنا.
وتسحب كده عقولنا.
وتأخدنا من متاهه ل متاهه.
ما بين سلطه ومال وجاه.
فيه طبقه كده عايشه
وطبقه تانيه ياحول الله
علي لقمة عيش تسعي
وطبقه تالته مش لاقيه
وعايشه علي الحسنه
وكلهم ف نداهه
نداهتم وخادتهم ونستهم
إيه أصل حياتهم
عايشين ف توهه وف غفله
ونسيوا إن فيه أخره
وأرواحنا مسيرها مهاجره ومسافره
ومهما كان الطريق طويل
لازم هتيجي نهاية الرحله
نداهه ندهت علي الواد
خلتوا ينسي إخته وأخوه
وبقا عادي قوي ومعتاد
تلاقي واحد مبيسألش ف إمه وأبوه
نداهه خطفت ياما شباب
إسمها إصحاب السوء
إوعي تحب الحرام
أو حتي تفرح بيه
قالوا زمان ف الأمثال
إل هتعمله هتلاقيه
ومن نفس الكأس هتدوق
نداهه ونادتها
دي حبيبتي إل حبيتها
عنيها راحت لبحر فلوس
قدرت علي قلبي تدوس
قالتلي حياتي معاك
هتبقي مرعبه وكابوس
سيبني أعيش أيامي
مش إنت إل هتقدر
تحققلي أحلامي
دي نداهه بتندهنا
مخليتش للحياه معني
عملوها عشان نتواصل
حطت بينا مليون فاصل
بقينا كتير بنتكلم
منلاقيش حد يسمعنا
ومهما نتألم
محدش بيحس ب أوجعنا
وكأن الحياه نداهه
بتندهنا تتوهنا
وتسحب كده عقولنا
وتأخدنا من متاهه لمتاهه
مرتبط
