” دقااااات الصبر ”
بقلم /عماااد الأبنودي
و لسه العزف متواصل
مابين الفرح والاحزان
و لساها الأيام بتواصل
الضرب فينا ف المليان
إعزف ياااا ناي لحني
قول نغماتي يلا كمان
ضهري ف السنين محني
متعود تملي على الأحزان
بيعافر وياها ولا يستسلم
و اكمنه م اوجاعها شبعان
مايفرقشي إنه يتالم
و لو كانت وياه قطران
بيجمع اللي الباقي منها
ع لحن عازف أشجان
جايز الليل ينطوي منها
ويخلي الحنين فرحان
يرقص ع دقات الصبر
گأنه شيء ما كان
و يودع بالسعد مرارها
لعالم بعيد اسمه النسيان
بقلم
عماااد الأبنودي
24 , 1 , 2023
