بُكره ، تعرف
بكره تعرف ،اللي تقويه ،، يكسرك
و الي يصعب يوم عليك ، راح ، يفقرك
و اللي كان عايش في ضلك ، راح يضلك
و اللي بيضلك ، عمره يوم ، ما ينورك
خليك في حالك ،
دي الدنيا فيها كتير و ياما
كل اللي جالك ،
كان في سيرك
ب حبال كتير و. دي العلامة
متدربين ، ع النفسنة
فيه كل حاجة ،ممكنة
ما قدرت مرة تقول ، انا
بصيت لقيت ، دأبت حبالك
خليك ، في ، حالك
أنا كنت ، شبهك من ، سنين
بمسح دموع المجروحين
و احزن علي القلب ، الحزين
مين يسمعك ،
و الكل عاوز يوجعك
اكتر ما فيهم كان ، رياء
مين ،ضيعك ،
و انت اللي قررت البقاء
محبوس في دايرة ،،
قفلها باب، الشقاء
كل اللي فيها ناس كتير ، متغربين
لو غيبت يوم ،، تجيب بدالك
خليك ، في حالك
و اضرب في أكباد الإبل
طريق طويل ، أو محتمل
اخوات يوسف ، غدروا ، بيه
لكنه خطي المستحيل
و زُليخة ،صاحبة، الإفتتان
شئ م الجنان ،،
و اللي إفَتتَن ، قطع ف أيديه
و السِكين ،كان الدليل
ف مافيش سبيل ، انك تِشيل
انك تعافر ، مع حد نافر، للكلام
الدنيا فيها كاس و داير
ناس لسه بتكمل علام
خليك في حالك ، الكل ، حاير
خطي الحدود ،و ارمي السلام
قبلك كتير ، كَسَره ، الكلام
لما قالوله ، و انت ، مالك
خليك ،في ، حالك ،،!!!
شعر / ياسر عبد الحميد
