تسافر.. وحدك
تلاقي الذكريات رُكاب
مـا بردُه من الهوى.. حكمَة
قلوب الناس كمااان أعتاب..!
تروح بلكونتك الهاديَة.
تعيش كل اللي عشتُه زمااان
ألومك ليه… في أوجاعك.؟!
ساعات بردُه الوجع إدمااان.!
تروح أوضتك تلاقي هناك
صور و قلم رصاص و كتاب
تـحـن لنـفسـك الأولـى…!
تـحـن لـحصـِة الألـعـاب…
تـِلـف فـ عـقـرب الـساعــة
وتـوصـل يومها مـتـأخـر..
وفي الحالتين هتبقى وحيد
عـشـان الدنـيـا بـتـهـزر
في وقت الجد في مشاعرك
وتـتـعـايـق وتـتـمـخـطـر..!
ومين سِمعك.؟!
ماحدش يومها شاف جرحك…
وكنت وحيد وبرّا الكادر
حبيبتك ظاهرة في ملامحك.!
ولـسـه مـصـدّق الأحـلام
وبـتـراهـن على الأيــام..!
وشايف دُنيتك دايرَة
وهاتجيب اللي راح.. قُدّام..!
مافيش مرة الفراق… قواك
مرايتك لسه مش عارفاك..
وقالوا إنك بخير وتماام…
دي فلسفة الحياة اللي هناك..!.
وفلسفتَك دي راحت فين…
حياتك لسه بين طريقين..
وماعرفتِش تجمد قلبَك
عشان كل الحاجات وحشاك..!
سارة القدوسي
