حكاية ، منسية
************
بتقول حكاياتي فين هية
أنا الحاجة اللي منسية
رميتها بعيد في عين الشمس
عشان سِنه ،
م عانداني و ما بتطلعش
أنا اللي ف دنيا ما ب، تسمعش
و بيعذبني احساسي
يقطع فيا انفاسي
و بيشاور علي القاسي ،
و انيني بيصرخ همس
انا الذكري اللي باتت
من بقايا الأمس
و ماشي كفيف علي ايديا
بتقول حكاياتي فين هية
انا الماشي في أي مكان
غريب تايه ماليش عنوان
في كل ميدان رفعت أذان
حاولت افكر النسيان
لقيت الفكر مات م اليأس
بتقول حكاياتي فين هية
حكايتي بقولها بس ماليش
أعيدها للي ما سمعنيش
بقت روحي تروح ما ‘ت جيش*
و بتأمل طلوع الشمس
ألم خيوطها. و اغزلها
وبين روحي أغازلها
و لو غابت اناديلها
بحلم جريئ بيصرخ همس
و أدي ، حكايتي اللي كانت أمس
*******************
شعر / ياسر عبد الحميد
*******************
