فراق الحبايب

$ فراق الحبايب $
بقلم عماد الأبنودي
••••••••••
من كتر فراق الحبايب
مابقتش عارف أقول إيه
دنيا و مليانة بالعجايب
و سؤال حيران بيقول ليه
ليه الغاليين يفارقونا ….!
و يفوتونا دوماً مجروحين
و ليه الألم يبكينا
موجوع م قسوة الآنين
يا ضحكة السنين مالك
هملتي ليه مطرحنا
تلملمي تملي حالك
و تسيب الحزن يجرحنا
مستكتره تفوتينا لحالنا
يا أوجاع كفايه علينا
لا منك عاااارفين نهرب
ولا نخبي دمعة عينينا
تفاجئينا ليه بصدمه
تفتتي ياما بينا
وتسلب من قلوبنا الفرحه
و تزرع الآسى فينا
عربون محبتك وجع
و فراق حبايبنا الغاليين
و آه منك يااااا وجع
بتقطع جواانا بسكاكين
،، بقلم ،،
‏عمااد الأبنودي
‏12 , 12, 2023