قلبى ف خطر….
قلبى ف خطر….
كلمات/ أيمن البكرى
الشوارع كلها غرقانه مطر
وأنا غرقان ف حبك إنتى يابطل
أول ما شفتك عقلى إتسطل
إحساسى تاه جوه منى
حسيت إن قلبى ف خطر
مين غيرك إنتى يانور عينى
فى برد الشتا يدفينى
ولما أكون حزين بيواسينى
ولو بكيت يمسحلى دمع عيني
وف وقت جرحى بيكون
فرحة عمرى وسنيني
برمش عين خطفتنى
ما إستحملتش منها نظره
ف دنيا تانيه خادتنى
وعملت ف قلبى هزه
وبضحكه واحده قتلتنى
إستعمرت جوايا
كل أماكن المعذه
أنا إيه كان جابلى بنت كده
تعمل فيا كل داه
حلوه وذى القمر
جريت عليها من أول ندا
حمدت ربنا وقولت رضا
خلت حياتى سهر
منين جايبه الجمال داه
وشعر ذى الحرير ياه
سلمت أصل الحب قدر
قلبى ف خطر وقالى إلحقنى
فيه غزال هنا ملوعنى
بنادى عليك ياريت تسمعنى
أنا إل ماكنش يفرق معايا بلد
حبيت والحب ف قلبى إتولد
أول ما شفتك انتى
أنا لو يرجع بيا الزمن
كانت حياتى ملهاش تمن
من قابلك يا حبيبتى
الشوارع كلها غرقانه مطر
وأنا غرقان ف حبك إنتى يابطل
أول ما شفتك عقلى إتسطل
إحساسى تاه جوه منى
حسيت إن قلبى ف خطر
