•
بقلم/عمااد الأبنودي
“” “” “” “”
دنيا بجد غريبه يا عم
الواضح ملهاش مكان
و الكداب نصاب و أبو لمعه
عامل فيها يا ناس فنان
حاجة تحير ياما تلخبط
النااس ليه بقت ألوان
ايش الغامق و ايش الفاتح
الله يرحم أهل زماااان
ليه الكدب بقى يتصدق
و الأشتغالات عاملينها شطارة
مفيش خصوصية كله يدقق
ازاي يسبق غيره بجدارة
الخلق رايحه فين قولولي
الأخلاق اهي في تلاجة
والضماير الحلوة معدومة
تقولشي خلاص بقت العادة
العيبه يا عيني فعلها موضة
نجاري بيها كل جديد
و اللوع عمايله ياواقعه سودة
قال إيه …! بنوكب التقليد
سهل نبيع لو بالجملة
و حتي الحنيه ف خبر كان
الحب بقينا نبيعه بكلمة
و الهجر أهو بقا العنوووان
نفوس مش سالكه جواها
و جوه باطنها حب الذات
عوزين دنيا دوما لهواهم
مليانه مناصب و ملذات
قاموس الصدق تم حذفه
و حل مكانه الأستغلال
و كلامنا مذوق ف وقته
حاجة تمشي بيها الحال
للدرجادي مش بيهمنا
إننا نحس كدا ببعضينا
ولا عدنا أصلا فاكرين
مين بايعنا و مين شارينا
بقلم /عمااد الأبنودي
12 , 12 , 2022
