(زمن قاسي)
ما تقولى يازمن ايه حكايتك معايه
ضاع العمر فيك ومش عارف ايه الروايه
لما أبتديت ع الدنيا كانت أحلامى جميله وغايه
اللى حبيتهم ياريتني ماعرفتهم زرعوا بركان جوايه
فين الإخلاص لقيته وجع بالراس محتاج حمايه
ماحدش سأل عنى سفحوا الحب منى ومزقوا الوصايه
فى سكة المحبوب كان حبيبى المطلوب فى النهايه
أصبحت منه مغضوب عند الغروب وما سمع ندايه
ياما كان روحى وبلسم جروحى وسعادتى وهوايه
رسمت فيه خيوط محبتى اللى كانت له بكل عنايه
نصحته بلحظة ماعرفته انه يكون ويبقى ويايه
جماله لمابشوفه شامخ وصوفه فى كل الزوايه
نظرته تشفى العليل جميل كان فرحى وداويه
اتحرمت منه لانه كداب وغير صادق النوايه
ماكنتش عارف أنه قلبه أسود زى الحربايه
الكل رايح مع الريح ولو فيها تجريح المهم الوقايه
صحيح الزمن يخليك تدفع التمن فى غراب وحدااايه
الشاعر البدرى ابراهيم عضو نادى أدب جرجا والمنشاه مصر
