بُكره ،، تُفرج

بُكره ،، تُفرج،،★
★★★★★★

مساء التماسي لكل اللي ناسي
و حاول بفكر ه يزيد في الكلام

هتوجع في راسي، تقلب مآسي
تفكرني باللي ,,، هأقول لك حرام

أنا نفسي أنسي ، حاجاتي اللي لسه
عشان اشتريها ، ما بقدر ، أنام

مالناش في مخرج ، و اقول بكره تفرج
و شمس الحقيقة ، يصيبها ، الغيام

في كل المواقف ، تشوف حالنا واقف
عشان الدولار ، بيرمي ، السلام

معومها موضة ، بقت داهية سودة
و سودها ،،اكتر ، بربط ،، الحزام

لا عاد فولها نابت ، ولا لحمة خابت
عشان اسعارها بارت ، و مات الكلام

قاطعت البيبسي و الشيبسي و قولت بلاش
و كافة شئ هنا ف نفسي ،، ما بلمسهاش
و مستني يجيبوا حاجة م اللي ما جاش
لاقيت كلمة بتتكرر ، فهمت المعني متأخر
قابلني الحلم متفسر ، واللي بيرضي بقليل هنا عاش،،،#

★★★★★★★★★★
أشعار / ياسر عبد الحميد
★★★★★★★★★★