طيب علشان اللى ميعرفش والكُل ياخد باله .. يوم 8 أبريل 2024 هيكون فى كسوف الشمس كليًا مرئيًا وهيحول النهار إلى ليل .. هيحصل إنخفاض فى درجة الحرارة، ومن كتر الظلام اللى هيكون موجود أشعة الشمس مش هنشوفها وهيبقى النهار ليل ..
مشوفناش كسوف كامل للشمس زى اللى هيحصل ده من 375 سنه مُتخيلين . !؟
طب حد عارف إيه فايدة اللى هيحصل ؟ وهنعمل إيه لما يحصل ؟؟
– فى ناس كتير متلغبطه وكل معلوماتها عن الكسوف إنه ظاهره كيوت هتحصل وهنتفرج عليها من البالكونه أو من الشباك ونشوف الشمس وهى سودا اوى وبتتخنق .. !
– بإختصار اللى هيحصل إشاره من ربنا وفرصه لو مستغلتهاش متضمنش إنها تتكرر كتير ف حياتك ، لأنها محصلتش من قرون .. طب عارف هستغلها إزاى ؟؟
هيحصل كسوف ف مصر والكسوف هيبقى مدته 5 ساعات و كام دقيقه تقريباً .. وهيكون كسوف كُلى والنهار هيبقى ليل، القمر بيقف بين الشمس و الأرض فا بيغطي على قرص الشمس فا تشوفه أسود و حواليه هالة كدا و الدنيا تظلم فجأة كدا .. مِن الآخر .. القمر بيظلل علينا ..
– دى أشاره من ربنا لما بتحصل لازم تقوم تتوضى وتصلى .. لما إبراهيم إبنى النبىﷺ مات خُسفت الشمس .. والنبى قام مفزوع خايف تكون الساعه هتقوم من هَول المنظر والخوف وكان بيأمر سيدنا بلال ويقول الصلاة جامعه الصلاه جامعه .. يعنى لا أذان ليها ولا إقامة .. ويبدأ يصلى علشان لو القيامة هتقوم فتقوم وإحنا بنصلي .. ودخل النبى الجامع وصلى صلاة الصحابه وصفوها إنها من أطول صلوات حياته وأطول صلاه شافوها بيصليها لحد ما إنجلت الشمس ..
– “الشمس و القمر” دول آيةٌ من آيات ربنا علشان يُخوف بيها عباده ويفَوقهم من باب ترهيب الناس من سُوء أعمالهم وقال: “وَمَا نُرْسِلُ بِالْآيَاتِ إِلَّا تَخْوِيفًا” .. يعنى مش علشان تتفرج وبس .. لا ده إنت لازم تخاف وجداً وتقرب من ربنا اكتر وتصلى ف الوقت ده وتدعى وتستغفر كتير ..
– نيجى للمهم الصلاة بتاعتها هتبقى إزاى ؟؟
– هتصلي عادى جداً وتقرا الفاتحة زى مبتقرا وبعدها سوره من القرآن بس سورة طويلة شوية .. وبعدها تركع و تُطيل الركوع جداً بس يكون أقل من قيامك وإنت بتقرا السور .. والأدعية والأذكار فى الركوع والسجود كتير جداً دَور عليها وقول منها لأن الركوع مُهم لتمجيد ربنا وتعظيمه .. والسجود للمذلة و الدعاء .. بعد متقوم من الركوع هتقول “سمع الله لمن حمده” زى مبتقول .. بس هنا بقى مش هتسجد زى باقى الصلوات التانيه لإن هنا الإختلاف .. يعنى هتقف بعد الركوع وتقرأ الفاتحة تاني و تقرأ سورة بعدها تاني .. بس هتبقى أقل من المرة الأولى شوية .. وبعد متخلص قراءة هتركع و تطيل الركوع جداً وبعدها تقوم من الركوع وتقول “سمع الله لمن حمده” برضو زى مبتقول وهتقف شوية تحمد ربنا وتُثني عليه زى مإنت عايز وبعدها تُسجد على طول والسجدتين يكونوا طوال وتكون الجلسة اللي بينهم طويلة برضو .. وبعدها هتقوم تبدأ للركعة التانية وهتعمل زى اللى عملتته ف الركعه الاولى بالظبط هيبقوا ركوعين برضو مش ركوع واحد .. لو هتصلى لوحدك ينفع عادى ولو هتصلى ف البيت جماعة مع أسرتك وإخواتك البنات أو والدتك ينفع برضو .. و ينفع من المصحف تقرأ .. ولو تعبت من الوقوف عادى ينفع تقعد ترتاح وإنت لسه بتقرا المهم تستغل كل ثانيه وما تضيعش فرصة الصلاة الطويلة لأنها جميلة جداً ..
وذكر فإن الذكرى تنفع المؤمنين .. بقلم المحرر /سيد عبدالتواب السويفي
