هدية من السماء
بقلم – محمد عبدالوهاب الحصري
فى يوم اتجمع اﻷهل واﻷحباب
قلت يامرحب
بس فية ناس أغراب
مين دول ياترى
قالوا قرايب وكمان خطاب
جيلك عريس منهم يازينة الشباب
قلت معرفهوش قالوا لقطة
عريس هيحسدوكى علية البنات
وقعدنا فترة تعارف
ونحب بعض زى الروايات
وأتجمع اﻷهل واﻷحباب
وعلقوا الزينة ووزعوا الشربات
قلت أصبروا شوية
قالوا الصبر عدى وفات
عريس هيحسدوكى علية البنات
وتم الزفاف ولم شمل اﻷحباب
فترة صغيرة لقيتة إنقلب
الحب أصبح غيرة من غير سبب
يشك فى نفسة وفى لحظة ينقلب
وعدت الشهور واﻷيام والساعات
دا عريس هيحسدوكى علية البنات
ربنا بعت لينا « وﻻء »
هدية من السماء
وكبرت عروستنا وهو غريب فى البلاد
شباب عمرنا عدا وفات
ولى لحظة حب حلوة عشناها
كلها غربة وسفر وبعاد
دا عريس هيحسدوكى علية البنات
وبعد سنين فراق راجع تانى
عايز يتزوج ويزود أحزانى
بحجة ولد يحمل اسمة وآة يازمانى
دا عريس هيحسدوكى علية البنات
عمرى ضاع
فى مركب من غير شراع
قالوا هتوصلك لبر اﻷمان
قلت الموج عالى
قالوا جدفى
قلت مستحيل وأنا مكسورة الجناح
مع أول موجة هغرق
وتقولوا الوقت عدى وراح
دا عريس هيحسدوكى علية البنات
قالوا فية قانون بيحمى الحريات
إرفعى قضية وإخلعية
قلت ياناس بينا « وﻻء »
قالوا فى عنينا من اﻷلف للياء
وما زال الحب فى قلبى
كمثل كل البنات
لكن كرامتى ليها ألف حساب
هرفع شكوتى لخالقى
وراضية بحكم السماء
دا عريس هيحسدوكى علية البنات
