الثعبان…..
قصة الثعبان…..
اسمعو يابني الإنسان
قصة الثعبان
مع طه العدنان
لما هاجر رسول الله
واخد أبوبكر معاه
بأمر من الله
وهما الاتنين ماشيين
مع بعض سوا الاتنين
ومعاهم رب العالمين
ومن المشي تعبو
قابلهم غار فيه دخلو
لجل شويه يستريحو
من التعب نام
خير الانام
خير خلق الله
علي رجل حبيب الله
ابو بكر الصديق
رفيق الحياه والطريق
وهما قاعدين
مع بعض الاتنين
فجأه تعبان ظهر
لما شاف نور القمر
حمد ربه وشكر
وفرح كتير بالقدر
اللي بعت له خير البشر
وخلاص الحبيب نايم
بعد متوحدو الدايم
خلاص نام على رجل صديقه
اللي هو على طول رفيقه
وحاميه من كل أذى يصيبه
هو نايم على رجليه
ظهر التعبان ليه
في بص ليه
وفي نفسه قال اعمل انا ايه
النور راح ليه
طبعا زعل التعبان
اللي كان فرحان
ازاي اشوف نور العدنان
واتملي بنوره كمان
شاف رجل الصديق
الوفي ابو بكر الصديق
اللي معنت النور
وكنت سعيد مسرور
راح في الحال عضه
علشان يشيل رجله
اللي منعت النور عنه
بكى ابو بكر في الحال
بعد الصبر ماطال
َودمع عينه سال
نزل على خد الرسول
اللي قام على حبيبه مشغول
قال مالك ياحبيبي
انت قدري ونصيبي
غصب عني
الدموع نزلت مني
علشان التعبان عضني
وانت نايم على رجلي
وكنت لراحتك فرحان
قبل مايعضني التعبان
الوقت الألم زاد وبأن
مسك الحبيب رجليه
ومسح قوام عليه
راح الألم اللي فيها
نروح للتعبان
ندا طه عليه
التعبان بص اليه
قال عملت كدا ليه
هو حبيبي عمل لك ايه
تعض حبيبي ليه
وانا نايم على رجليه
ليه كدا ياتعبان
هتخليني منك زعلان
قال انا بحبك ياعدنان
والتعبان مع الحبيب فرحان
وانت نايم
كنت انا في هواك هايم
رجل صديقك
منعت عني نورك
اعمل انا ايه
والعشق في جمال النبي يصلي عليه
عضيته من رجله
لجل أسعد بيك زيه
بس عضه مش شاده
لجل يفتح ليا طريق
اشوف نورك ياحبيب
وكل الرسول ميقول
التعبان فرحان قوي بالقول
لان الحاصل مش معقول
دا حبيبي طه الرسول
ياللي سمعتو مني
كلام من نظمي وفني
اعرفو حب الرسول
اللي في الكون على طول
حبيبي ياطه
يانور الأرض وسماها
ياخير خلق الله
بقلمي محمد سليمان
